Futbol üzrə Avropa çempionatı davam edir. Arena.az xəbər verir ki, bu gün AÇ-2020-də ilk finalçının adına aydınlıq gəlib.
İlk yarımfinal qarşılaşması İtaliya və İspaniya yığmaları arasında baş tutub. Londondakı “Uembli” stadionunda keçirilən qarşılaşmanı Almaniyadan olan Feliks Brıx idarə edib. Matçda hesabı italyanlar açsa da, ispanlar buraxılan qolun əvəzini çıxmağı bacarıblar. 90 dəqiqə heç-heçə bitdiyi üçün, əlavə vaxt təyin olunub. Əlavə vaxtda da hesab dəyişmədiyindən, qalibi müəyyənləşdirmək üçün penaltilərə ehtiyac duyulub. 11 metrlik zərbələri daha dəqiq yerinə yetirən italyanlar finala yüksəliblər.
Qeyd edək ki, digər yarımfinal görüşündə sabah İngiltərə və Danimarka yığmaları üz-üzə gələcək.
Avropa çempionatı
Yarımfinal
6 iyul
İtaliya – İspaniya 1:1 (penaltilər 4:2)
Qol: F.Kyeza, 60 – A.Morata, 80.
Baş hakim: Feliks Brıx (Almaniya).
London. “Uembli” stadionu.
İtaliya: 21. Canluici Donnarumma, 2. Covanni Di Lorentso, 3. Corco Kyellini (k), 6. Marko Verratti, 8. Jorjinyo, 10. Lorentso İnsinye, 13. Emerson, 14. Federiko Kyeza, 17. Çiro İmmobile, 18. Nikola Barella, 19. Leonardo Bonuççi.
Ehtiyat oyunçular: 1. Salvatore Siriqu, 26. Aleks Meret, 5. Manuel Lokatelli, 9. Andrea Belotti, 11. Domeniko Berardi, 12. Matteo Pessina, 15. Françesko Açerbi, 16. Brian Kristante, 20. Federiko Bernardeski, 23. Alessandro Bastoni, 24. Alessandro Florensi, 25. Rafael Toloy.
Baş məşqçi: Roberto Mançini.
İspaniya: 23. Unai Simon, 2. Sesar Aspilikueta, 5. Serxio Buskets (k), 8. Koke, 11. Ferran Torres, 12. Erik Qarsiya, 18. Jordi Alba, 19. Dani Olmo, 21. Mikel Oyarzabal, 24. Aymerik Laporte, 26. Pedri.
Ehtiyat oyunçular: 1. David De Xea, 13. Robert Sançes, 3. Dieqo Lyorente, 4. Pau Torres, 6. Markos Lyorente, 7. Alvaro Morata, 9. Xerard Moreno, 10. Tyaqo Alkantara, 14. Xose Qaya, 16. Rodri, 17. Fabian Ruis, 20. Adama Traore.
Baş məşqçi: Luis Enrike.
