Bu gün Bolqarıstanın paytaxtı Sofiya şəhərində təşkil olunmuş ağırlıqqaldırma üzrə Avropa çempionatına start verilib.
Arena.az xəbər verir ki, 43 ölkədən 402 atletin (202 kişi + 200 qadın) iştirak etdiyi yarışda Azərbaycan yığma komandasının üzvləri də çıxış edirlər.
Artıq onlardan biri – Nazilə İsmayılova körpücük üzərinə qalxıb. O, 45 kq çəki dərəcəsinin B qrupunda qüvvəsini sınayıb.
Atletimiz toplam 128 kq (58+70) nəticə göstərib və yekun sıralamada 11-ci yeri tutub.
Xatırladaq ki, Azərbaycan millisi fevralın 20-nə qədər davam edəcək bu Avropa çempionatına 9 atletlə yollanıb.
