Futbol üzrə Azərbaycan millisinin müdafiəçisi Bəxtiyar Həsənalızadə Türkiyənin “Tuzlaspor” komandasının heyətində növbəti matçına çıxıb.
Arena.az xəbər verir ki, o, TFF 1-ci Liqanın 2023/2024 mövsümünün 6-cı turu çərçivəsində baş tutan “Boluspor”la oyunun iştirakçısı olub.
Səfərdə baş tutan qarşılaşma futbolçumuzun komandası üçün uğursuz alınıb. Üç qolun qeydə alındığı matç meydan sahiblərinin 2:1 hesablı qələbəsiylə yekunlaşıb.
Bəxtiyar bu oyuna start heyətində başlayıb və sonadək oynayıb.
“Tuzlaspor” hazırda 3 xalla 18 kollektiv arasında 17-ci pillədə qərarlaşıb.
Xatırladaq ki, Bəxtiyar Həsənalızadə “Tuzlaspor”la bu ilin avqust ayında 2 illik müqavilə bağlayıb. 30 yaşlı futbolçu Türkiyə təmsilçisində 3 oyuna çıxıb və 1 qol vurub.
