Futbol üzrə Azərbaycan millisinin müdafiəçisi Bəxtiyar Həsənalızadə Türkiyənin “Tuzlaspor” komandasının heyətində növbəti matçına çıxıb.
Arena.az xəbər verir ki, o, TFF 1-ci Liqanın 2023/2024 mövsümünün 33-cü turu çərçivəsində baş tutan “Sakaryaspor”la oyunun iştirakçısı olub.
Futbolçumuzun komandası səfərdə baş tutan bu qarşılaşmadan qələbə ilə ayrılıb – 2:0. “Tuzlaspor” 57-ci və 90+6-cı dəqiqələrdə vurduğu qollar sayəsində vacib 3 xal əldə edib.
Bəxtiyar bu oyunun 82-ci dəqiqəsində meydana buraxılıb.
“Tuzlaspor” hazırda 37 xalla 18 kollektiv arasında 14-cü pillədə qərarlaşıb.
Xatırladaq ki, Bəxtiyar Həsənalızadə “Tuzlaspor”la 2023-cü ilin avqust ayında 2 illik müqavilə bağlayıb. 30 yaşlı futbolçu Türkiyə təmsilçisində 20 oyuna çıxıb. O, bu oyunlarda 1 qol vurub, 1 məhsuldar ötürmə müəllifi olub.
