“Neqreyra işi”nə dair qalmaqalda adı hallanan “Barselona” növbəti Çempionlar Liqasından kənarlaşdırılmayacaq.
Arena.az bu haqda Kataloniya klubu üzrə ixtisaslaşmış ispan jurnalist Jerar Romeroya istinadən məlumat verir.
Bir qədər əvvəl UEFA-nın etika və nizam-intizam komitəsi tərəfindən “Neqreyra işi”ni araşdırmaq üçün təyin edilmiş iki müfəttişinin klubun bir il müddətinə beynəlxalq yarışlardan kənarlaşdırılmalı olduğu qənaətinə gəldiyini qeyd etmişdik.
Bildirilib ki, müfəttişlər artıq hesabatlarını UEFA-ya təqdim ediblər. Komandanın avrokuboklarda iştirakı ilə bağlı qərar yaxın 10 gün ərzində verilməlidir. Çünki artıq iyunun 12-də UEFA növbəti Çempionlar Liqasının iştirakçılarının tərkibini təsdiqləməlidir.
Məlumatda UEFA prezidenti Aleksander Çeferinin artıq müfəttişlərin hesabatlarını öyrənib və qərar qəbul etmək üçün fasilə verdiyi deyilirdi. İki variantın mümkünlüyü: “Barselona”ya barəsində məhkəmə işi açıb klubu İspaniya ədalət təmsilçilərinin öhdəsinə buraxamaq və yaxud klubu bir il müddətinə Çempionlar Liqasından kənarlaşdırmaq ehtimalları vardı.
İspan jurnalistin iddialı məlumatına rəğmən, KİV UEFA-nın rəsmi bəyanatını gözləyir.
