Futbol üzrə İtaliya millisinin və “Atalanta”nın hücumçusu Cakomo Raspadori aldığı zədə səbəbindən bir neçə həftə oynamayacaq.
Arena.az xəbər verir ki, 26 yaşlı futbolçu Avropa Konfrans Liqasının 2026/2027-ci illər mövsümünün Liqa mərhələsinin ilk turu çərçivəsində qarşılaşdıqları “Pafos”la (Cənubi Kipr) oyununda (3:1) əzələ zədəsi alıb.
Bu barədə “Football Italia” məlumat yayıb. “Atalanta”nın tibbi heyətinin apardığı müayinələr nəticəsində italiyalı hücumçunun sağ ayağının ikibaşlı bud əzələsində yüngül dartılma aşkarlanıb.
İlkin qiymətləndirmələrə əsasən, Raspadorinin bərpası azı üç həftə çəkəcək. Bu isə onun növbəti beynəlxalq fasiləyədək komandasına kömək edə bilməyəcəyi deməkdir. Futbolçunun yaşıl meydanlara qayıdışı bərpa prosesinin gedişindən asılı olacaq.
Qeyd edək ki, Cakomo Raspadori həm klubda, həm də İtaliya millisində hücum xəttində çıxış edir. Onun zədəsi “Atalanta”nın qarşıdakı oyunlar öncəsi heyət seçimlərini çətinləşdirib.
