Bu gün futbol üzrə UEFA Çempionlar Liqasında 2023/2024 mövsümünün 2-ci təsnifat mərhələsinin ilk oyunlarına yekun vurulub.
Arena.az xəbər verir ki, sonuncu oyun günündə 5 qarşılaşma baş tutub.
Azərbaycan çempionu “Qarabağ” da bu gün növbəti çıxıb. Ağdam klubu səfərdə Polşa çempionu “Rakuv”la üz-üzə gəlib. Beş qolun qeydə alındığı bu oyun təmsilçimizin məğlubiyyəti ilə başa çatıb.
Bu cütün qalibinin 3-cü raunddakı potensial rəqibləri olan Belarus BATE-si ilə “Aris” də Kiprdə üz-üzə gəliblər. Səkkiz qolun qeydə alındığı qarşılaşmada meydan sahibləri darmadağına seviniblər və demək olar ki, cütün taleyini həll ediblər.
“Şerif” də “Makkabi”ni (Hayfa) məğlub yola salıb. “Ludoqorets” – “Olimpiya” (Lyublyana) və “Klaksvik” – “Haken” matçlarında isə qalib müəyyənləşməyib.
Xatırladaq ki, UEFA Çempionlar Liqasında 2-ci təsnifat mərhələsinin cavab oyunları 1-2 avqustda keçiriləcək.
UEFA Çempionlar Liqası
2-ci təsnifat mərhələsinin ilk oyunları
26 iyul
“Şerif” (Moldova) – “Makkabi” (Hayfa, İsrail) 1:0
“Aris” (Kipr) – BATE (Belarus) 6:2
“Rakuv” (Polşa) – “Qarabağ” (Azərbaycan) 3:2
“Ludoqorets” (Bolqarıstan) – “Olimpiya” (Lyublyana, Sloveniya) 1:1
“Klaksvik” (Farer adaları) – “Haken” (İsveç) 0:0
