Bu gün futbol üzrə UEFA Çempionlar Liqasında (ÇL) 2023/2024 mövsümünün pley-off mərhələsinin ilk oyuunlarına start veriləcək.
Arena.az xəbər verir ki, ilk oyun günündə üç qarşılaşma baş tutacaq.
Azərbaycan çempionu “Qarabağ”ı ÇL-dən kənarlaşdırmış Polşa çempionu “Rakuv” pley-offda Danimarka “Kopenhagen”i ilə üz-üzə gələcək.
Mahir Emrelinin formasını geyindiyi Zaqreb “Dinamo”sunu mübarizədən kənarlaşdırmış Yunanıstan AEK-i isə Belçika “Antverpen”i ilə qarşılaşacaq.
İlk oyun gününün daha bir qarşılaşması Şotlandiya “Reyncers”i ilə Niderlandın PSV komandası arasında baş tutacaq.
UEFA Çempionlar Liqasında pley-off mərhələsinin digər ilk oyunları sabah keçiriləcək.
UEFA Çempionlar Liqası
Pley-offun ilk oyunları
22 avqust
23:00. “Antverpen” (Belçika) – AEK (Afina, Yunanıstan)
23:00. “Rakuv” (Polşa) – “Kopenhagen” (Danimarka)
23:00. “Reyncers” (Şotlandiya) – PSV (Niderland)
23 avqust
23:00. “Braqa” (Portuqaliya) – “Panatinaikos” (Yunanıstan)
23:00. “Makkabi” (Hayfa, İsrail) – “Yanq Boyz” (İsveçrə)
23:00. “Molde” (Norveç) – “Qalatasaray” (Türkiyə)
