Bu gün futbol üzrə UEFA Çempionlar Liqasında (ÇL) 2025/2026-cı illər mövsümünün Liqa mərhələsinin 2-ci turuna yekun vurulub.
Arena.az xəbər verir ki, turun sonuncu oyun günündə daha 9 qarşılaşma baş tutub.
Günün maraqla gözlənilən dueli İspaniyada baş tutub. La Liqanın sonuncu qalibi “Barselona” evdə Fransa nəhəngi PSJ ilə üz-üzə gəlib. ÇL-in sonuncu qalibi olan Paris təmsilçisi səfər oyununda çətin qələbəyə sevinib.
4 qolun qeydə alındığı “Monako” – “Mançester Siti” və “Vilyarreal” – “Yuventus” oyunlarında qalib müəyyənləşməyib.
“Nyukasl” səfərdə “Yunion”, Dortmund “Borussiya”sı isə evdə “Atletik”ə böyük hesabla qalib gəlib.
“Napoli” “Sportinq”i, “Arsenal” da “Olimpiakos”u məğlub yola salıb.
Xatırladaq ki, ÇL-in Liqa mərhələsinin 2-ci turunun digər 9 görüşü ötən gün keçirilib.
UEFA Çempionlar Liqası
Liqa mərhələsi, 2-ci tur
1 oktyabr
Qarabağ (Azərbaycan) – Kopenhagen (Danimarka) 2:0
Qollar: Zubir, 28. Adday, 83.
Yunion (Belçika) – Nyukasl (İngiltərə) 0:4
Qollar: Voltemade, 17. Qordon, 43-pen; 64-pen. Barnes, 80.
Barselona (İspaniya) – PSJ (Fransa) 1:2
Qollar: F.Torres, 19 – Mayulu, 38. Q.Ramos, 90.
Monako (Fransa) – Mançester Siti (İngiltərə) 2:2
Qollar: Teze, 18. Dayer, 90-pen – Haland, 15; 44.
Borussiya (Dortmund, Almaniya) – Atletik (İspaniya) 4:1
Qollar: Svensson, 28. Çukvuemeka, 50. Girassi, 82. Brandt, 90+1 – Quruseta, 61.
Napoli (İtaliya) – Sportinq (Portuqaliya) 2:1
Qollar: Hoylund, 36; 79 – L.Suares, 62-pen.
Vilyarreal (İspaniya) – Yuventus (İtaliya) 2:2
Qollar: Mikautadze, 18. Veyqa, 90 – Qatti, 49. F.Konseysao, 56.
Arsenal (İngiltərə) – Olimpiakos (Yunanıstan) 2:0
Qollar: Martinelli, 12. Saka, 90+2.
Bayer (Almaniya) – PSV (Niderland) 1:1
Qollar: Kofane, 65 – Saybari, 72.
