“Aston Martin”in ispan pilotu Fernando Alonso Sinqapur qran-prisində uğursuz çıxış etsə də, son mərhələ 42 yaşlı pilot üçün tarixi olub.
Arena.az məlumat verir ki, ikiqat dünya çempionu (2005, 2006) Formula 1 tarixində yürüşlərdə 100 min kilometrdən çox məsafə qət etmiş ilk pilot kimi tarixə düşüb.
Xatırladaq ki, cari mövsüm Alonsonun Formula 1-də 20-ci mövsümüdür.
Ən çox məsafə qət etmiş pilotların ilk onluğunu diqqətinizə çatdırırıq:
- Fernando Alonso (İspaniya) – 100,2 min km;
- Luis Hamilton (Böyük Britaniya) – 93,5 min km;
- Kimi Raykkönen (Finlandiya) – 92,6 min km;
- Sebastyan Fettel (Almaniya) – 82,9 min km;
- Mixael Şumaxer (Almaniya) – 81,2 min km;
- Censon Batton (Böyük Britaniya) – 80,9 min km;
- Rubens Barrikello (Braziliya) – 80,6 min km;
- Felipe Massa (Braziliya) – 74,3 min km;
- Serxio Peres (Meksika) – 70,4 min km;
- Daniel Rikkardo (Avstraliya) – 64,9 min km.
