Türkiyənin “Başakşəhər” klubu müdafiəçisi Junior Kaysara ilə müqavilənin müddətini artırıb. Arena.az xəbər verir ki, bu barədə Super Liqa təmsilçisinin rəsmi saytı məlumat yayıb.
32 yaşlı braziliyalı futbolçu ilə müddəti 2024-cü ilin yayına qədər olan sözləşmə imzalanıb. Əvvəlki sözləşmənin müddəti 2022-ci ilin yayında bitəcəkdi.
Junior Kaysara 2017-ci ildən “Başakşəhər”də çıxış edir. Həmin vaxt o, Almaniyanın “Şalke” klubundan 3 milyon avroya transfer edilmişdi. Sağ cinah müdafiəçisi bu komandanın heyətində Türkiyə Super Liqasında 119 matça çıxıb.
Təcrübəli müdafiəçi “Şalke”dən öncə “Ludoqorets”, “Jil Visente”, “Amerika-SP”, “Aaqoano” və “Santo Andre” komandalarında da oynayıb.
