Futbol üzrə Fransa çempionatında (Liqa 1) 26-cı tura yekun vurulub. Arena.az xəbər verir ki, sonuncu oyun günündə daha yeddi qarşılaşma baş tutub.
Dörd qolun qeydə alındığı “Trua” – “Monako” matçında qalib müəyyənləşməyib. “Olimpik” (Lion) – “Loryan” oyununda isə ümumiyyətlə qapılara qol vurulmayıb.
“Monpelye” doğma meydanda “Anje”ni 5 cavabsız qolla məğlub edibsə, “Reyms” “Ayaçço”nu tək qolla yenib. “Strasburq” evdə “Brest”ə, “Tuluza” da “Klermon”a minimal fərqlə məğlub olub. “Renn”in qonağı olan Marsel “Olimpik”i də 3 xalı tək qolla qazanıb.
Beləliklə, 26 turdan sonra 63 xala malik PSJ vahid liderdir. Marsel “Olimpik”i 55 xalla ikincidirsə, “Monako” və “Lans”ın 51 xalı var. “Renn” 46, “Lill” 45, “Nitsa” 42, “Reyms”lə “Loryan” 40, Lion “Olimpik”i 39, “Klermon” 34 xal toplayıb.
Fransa, Liqa 1
26-cı tur
3 mart
Nitsa – Oser 1:1
Qol: Laborde, 45+1 – Heyn, 36.
4 mart
Lans – Lill 1:1
Qol: Fonte, 41-öz qapısına – David, 69.
PSJ – Nant 4:2
Qol: Messi, 12. Hadjam, 17-öz qapısına. D.Pereyra, 60. Mbappe, 90+1 – Blas, 31. Qanaqo, 38.
5 mart
Trua – Monako 2:2
Qol: Kuame, 31. Uqbo, 90+1 – Ben Yedder, 80; 83.
Monpelye – Anje 5:0
Qol: Xazri, 2. Savanye, 25; 51. Mauassa, 45+2. Vahi, 73.
Reyms – Ayaçço 1:0
Qol: Kayuste, 90+4.
Strasburq – Brest 0:1
Qol: Honorat, 45+1.
Tuluza – Klermon 0:1
Qol: Xaui, 76.
Olimpik (Lion) – Loryan 0:0
Renn – Olimpik (Marsel) 0:1
Qol: Kolaşinaç, 57.
