Azərbaycan atleti Nazim Babayev Türkiyənin İstanbul şəhərində keçirilən atletika üzrə qış Avropa çempionatında finala yüksəlib. Arena.az xəbər verir ki, idmançımız üçtəkanla tullanma növündə 16.45 metr nəticə göstərib.
Təsnifat mərhələsində 4-cü yeri tutan Babayev finalda iştirak hüququ qazanıb. Nazim Babayev yalnız Portuqaliya, Almaniya və İtaliya idmançılarından geri qalıb.
Xatırladaq ki, bu gün start verilmiş atletika üzrə qış Avropa çempionatına martın 5-də yekun vurulacaq. Azərbaycanı qitə çempionatında Nazim Babayevlə yanaşı, Yekaterina Sariyeva da təmsil edəcək. Onlar məşqçilər Ziyad Xəlfəyev və Vidadi Əlisgəndərovun rəhbərliyi altında İstanbula yollanıblar.
