Bu gün futbol üzrə İngiltərə çempionatında (Premyer Liqa) 2023/2024 mövsümünün 10-cu turunun oyunlarına yekun vurulub.
Arena.az xəbər verir ki, sonuncu oyun günündə daha beş qarşılaşma baş tutub.
“Brayton” – “Fulhem” matçında komandalar hərəyə 1 qol və 1 xalla kifayətləniblər. “Vest Hem” doğma meydanda “Everton”a uduzub. Dörd qolun qeydə alındığı “Aston Villa” – “Luton Taun” matçında isə meydan sahibləri inamlı qələbəyə seviniblər.
“Liverpul” da doğma meydanda “Nottingem Forest”i 3 cavabsız qolla məğlub edib.
Turun mərkəzi oyununda isə Mançester nəhəngləri üz-üzə gəliblər. “Mançester Yunayted”in qonağı olan son çempion “Mançester Siti” əzəli rəqibini darmadağın edib.
Beləliklə, 10 turdan sonra 26 xala malik “Tottenhem” vahid liderdir. 24 xalı olan “Arsenal”la “Mançester Siti” müvafiq olaraq 2 və 3-cü pillələrdə qərarlaşıblar. “Liverpul”un 23, “Aston Villa”nın 22, “Mançester Yunayted”in 15, “Çelsi”nin 12 xalı var.
İngiltərə, Premyer Liqa
10-cu tur
27 oktyabr
Kristal Pelas – Tottenhem 1:2
Qollar: Ayyu, 90+4 – Uord, 53-öz qapısına. Son, 66.
28 oktyabr
Çelsi – Brentford 0:2
Qollar: Pinnok, 58. Mbeumo, 90+6.
Arsenal – Şeffild Yunayted 5:0
Qollar: Nketia, 28; 50; 58. Vieyra, 88-pen. Tomiyasu, 90+6.
Bornmut – Börnli 2:1
Qollar: Semenyo, 22. Billinq, 76 – Teylor, 11.
Vulverhempton – Nyukasl 2:2
Qollar: Lemina, 36. Hvan, 71 – Uilson, 22; 45+4-pen.
29 oktyabr
Vest Hem – Everton 0:1
Qol: Levin, 51.
Aston Villa – Luton Taun 3:1
Qollar: Makqin, 17. Diabi, 49. Lokyer, 62-öz qapısına – E.Martines, 83-öz qapısına.
Brayton – Fulhem 1:1
Qollar: Ferquson, 26 – Palinya, 65.
Liverpul – Nottingem Forest 3:0
Qollar: Jota, 31. Nunes, 35. Salah, 77.
Mançester Yunayted – Mançester Siti 0:3
Qollar: Haland, 26-pen; 49. Foden, 80.
