Futbol üzrə İngiltərə çempionatında (Premyer Liqa) 2023/2024 mövsümünün 2-ci turunun oyunları keçirilir.
Arena.az xəbər verir ki, ikinci oyun günündə daha beş qarşılaşma baş tutub.
“Fulhem” doğma meydanda “Brentford”a, “Vulverhempton” isə “Brayton”a məğlub olub.
Son çempion “Mançester Siti” doğma meydanda “Nyukasl”ı tək qolla məğlub edib. “Liverpul” da “Bornmut”la ev oyunundan inamlı qələbə ilə ayrılıb.
“Tottenhem”in qonağı olan “Mançester Yunayted” isə bu dəfə uduzub. London təmsilçisi “qırmızı şeytanlar”ı iki cavabsız qolla yenib.
Qeyd edək ki, bu turun “Luton Taun” – “Börnli” matçı təxirə salınıb.
İngiltərə, Premyer Liqa
2-ci tur
18 avqust
Nottingem Forest – Şeffild Yunayted 2:1
Qollar: Avoniyi, 3. Vud, 89 – Hamer, 48.
19 aprel
Fulhem – Brentford 0:3
Qollar: Vissa, 44. Mbeumo, 66; 90+2.
Liverpul – Bornmut 3:1
Qollar: L.Dias, 28. Salah, 36. D.Jota, 62 – Semenyo, 3.
Vulverhempton – Brayton 1:4
Qollar: Hvanq, 61 – Mitoma, 15. Estupinan, 46. Març, 51; 55.
Tottenhem – Mançester Yunayted 2:0
Qollar: Sarr, 49. L.Martines, 83-öz qapısına.
Mançester Siti – Nyukasl 1:0
Qol: X.Alvares, 31.
20 avqust
17:00. Aston Villa – Everton
19:30. Vest Hem – Çelsi
21 avqust
23:00. Kristal Pelas – Arsenal
