Fransa çempionatının və UEFA Çempionlar Liqasının sonuncu qalibi PSJ əsas heyətdə çıxış edən beş futbolçusu ilə yeni müqavilə imzalayıb.
Arena.az xəbər verir ki, Fransa klubunun rəhbərliyi Senni Mayulu, Lukas Beraldo, Joao Neves, Vilyan Paço və Fabian Ruislə müqavilələrin müddətini uzadıb.
Mayulu, Beraldo, Neves və ekvadorlu müdafiəçi Vilyan Paço ilə yeni sözləşmələr 2031-ci ilin yayına qədər qüvvədə olacaq.
İspaniyalı yarımmüdafiəçi Fabian Ruis isə Paris klubu ilə müqaviləsini 2028-ci ilin iyununa qədər uzadıb.
Xatırladaq ki, Luis Enrikenin rəhbərlik etdiyi PSJ mövsümün əvvəlində fərqli nəticələrlə diqqət çəkib. Paris təmsilçisi UEFA Super Kubokunda İngiltərənin “Aston Villa” klubunu 2:1 hesabı ilə məğlub edərək kuboka sahib çıxıb.
Bununla belə, PSJ Fransa Super Kubokunda “Lans”a 0:1 hesabı ilə uduzub. Liqa 1-də isə son çempion ilk iki turda eyni – 2:2 hesabı ilə iki heç-heçə edib. PSJ əvvəlcə “Renn”, daha sonra isə “Lill”lə xalları bölüşüb. 3-cü tur çərçivəsində ötən gecə doğma meydanda “Monako” ilə qarşılaşmış parislilər bu oyunda da 1:2 hesablı məğlubiyyətə üzülüblər.
