“Qəbələ”nin U-19 komandasının UEFA Gənclər Liqasının Çempionlar yolunun 2-ci mərhələsində keçirəcəyi ilk oyunun hakimləri müəyyənləşib.
Arena.az xəbər verir ki, “qırmızı-qaralar”ın Yunanıstan təmsilçisi “Olimpiakos”la ilk görüşünü Gürcüstandan olan ədalət təmsilçiləri idarə edəcəklər.
Noyabrın 8-dəki matçın baş hakimi Qoqa Kikaçeişvili olacaq. Ona həmyerliləri David Axvlediani və Davit Qabisoniya kömək edəcəklər.
Xatırladaq ki, Qəbələ şəhər stadionunda baş tutacaq ilk matç saat 16:00-da başlayacaq.
Bu komandalar arasındakı cavab oyunu noyabrın 29-da Pireydə keçiriləcək. Matç “Olimpiakos” Məşq Mərkəzində baş tutacaq. Yunanıstandakı qarşılaşmanın start fiti Bakı vaxtı ilə saat 19:00-da veriləcək.
Azərbaycan təmsilçisi UEFA Gənclər Liqasının Çempionlar yolunun 1-ci mərhələsində Macarıstanın “Puşkaş Akademiya” koamndasını mübarizədən kənarlaşdırıb – 1:1, 1:0.
