“İnter”dən ayrılan Radja Nainqqolan karyerasını Belçikada davam etdirəcək. Arena.az xəbər verir ki, 33 yaşlı yarımmüdafiəçi bu ölkənin “Antverpen” klubu ilə anlaşıb.
Bu barədə sözügedən klubun rəsmi saytı məlumat yayıb. Nainqqolanla 2 illik müqavilə imzalanıb.
Radja Nainqqolan 2018-ci ildən “İnter”in uğurları üçün çalışırdı. Təcrübəli yarımmüdafiəçi bu komandanın heyətində meydana çıxdığı 41 oyunda 7 qolla yadda qalıb. Futbolçu həm 2019/20, həm də 2020/21 mövsümlərində “Kalyari”də icarədə oynayıb.
Nainqqolan daha öncə “Pyaçentsa” və “Roma”da da çıxış edib. Belçika millisində 30 oyun keçirmiş futbolçu, 6 qola da imza atıb.
