Dünya çempionatının (DÇ-2026) namizədlərindən olan Niderlandın tanınmış futbol hakimlərindən Rob Diperink 38 yaşında vəfat edib.
Arena.az xəbər verir ki, bu barədə Niderland Kral Futbol İttifaqı (KNVB) məlumat yayıb.
Qurumun açıqlamasında Diperinkin ölümü ilə bağlı dərin hüzn ifadə olunub və onun beynəlxalq təcrübəyə malik yüksəkixtisaslı hakim olduğu vurğulanıb. Ölümün səbəbi hələlik açıqlanmayıb.
Niderland mətbuatının yaydığı məlumata görə, polis hadisə ilə bağlı araşdırmalara başlayıb.
Rob Diperink 2017-ci ildən Niderland çempionatının yüksək liqa oyunlarını idarə edirdi. O, həmçinin AVAR (video köməkçi hakim) qismində AÇ-2024-ün dörd qarşılaşmasında çalışmışdı və əvvəlcə DÇ-2026-da da eyni vəzifədə iştirak etməsi planlaşdırılırdı.
Lakin bu ilin aprelində Diperink Londonda azyaşlı oğlana qarşı seksual xarakterli hərəkətlərdə ittiham olunaraq saxlanılmışdı. Bundan sonra FIFA onu dünya çempionatında hakimlik etməkdən kənarlaşdırmışdı.
