Norveç yığmasının baş məşqçisi Stole Solbakken hesab edir ki, komandası İspaniya yığmasına ədalətsizlik üzündən uduzub.
Arena.az bu barədə VG dərgisinə istinadən məlumat verir.
Xatırladaq ki, AÇ-2024-ün təsnifat mərhələsinin “A” qrupunun 6-cı turu çərçivəsində keçirilmiş səfər oyununda, İspaniya yığması Norveç kollektivi üzərində minimal hesablı qələbə (1:0) qazanaraq, turnirin final mərhələsinə vəsiqəsini təmin edib. Məğlub olmuş norveçlilər isə Avropa çempionatının final mərhələsində iştirak imkanından məhrum olublar:
“Qol aşkar oyundankənardan sonra vuruldu. Qavi (qol zərbəsindən əvvəl – redaktorun qeydi) topdan tullanır və yarım metr məsafədə oyundankənara soxulur”, deyə Solbakken oyunsonrası mətbuat konfransında bildirib.
Xatırladaq ki, oyununu Tobias Ştilerin rəhbərlik etdiyi, Almaniyadan olan hakimlər briqadası idarə edib.
