Bu gün futbol üzrə UEFA Millətlər Liqasında 2022/23 mövsümünə start verilib. Arena.az xəbər verir ki, 1-ci turun ilk oyun günündə bir qarşılaşma baş tutub.
A Liqasının 4-cü qrupunda Polşa yığması Uelsi qəbul edib. Bakı vaxtı ilə saat 20:00-da start götürən qarşılaşmanı sloveniyalı Rade Obrenoviçin başçılıq etdiyi hakimlər briqadası idarə edib. Üç qolun qeydə alındığı matç meydan sahiblərinin qələbəsiylə yekunlaşıb.
Bu qrupun digər qarşılaşması iyunun 3-də Belçika və Niderland komandaları arasında olacaq.
Azərbaycan milli komandası turnirdə ilk oyununu iyunun 3-də keçirəcək. Canni De Byazinin rəhbərlik etdiyi komanda səfərdə Qazaxıstan yığması ilə qarşılaşacaq.
UEFA Millətlər Liqasında ilk tura iyunun 4-də yekun vurulacaq.
UEFA Millətlər Liqası
A Liqası, 4-cü qrup
1 iyun
Polşa – Uels 2:1
Qol: Kaminski, 72. Sviderski, 85 – Uilyams, 52.
Baş hakim: Rade Obrenoviç (Sloveniya).
