Macarıstanın paytaxtı Budapeştdə keçirilən yüngül atletika üzrə dünya çempionatında kişilər arasında dekatlon yarışı başa çatıb.
Arena.az xəbər verir ki, Kanada təmsilçisi Pirs Lepaj karyerasında ilk dəfə dünya çempionatının qızıl medalını qazanıb.
Lepaj 2022-ci ildə Yucin şəhərində (Oreqon ştatı, ABŞ) keçirilmiş dünya çempionatında gümüş mükafatçı olub.
Dekatlon üzrə on növün yekununda Lepaj 8909 xal toplayıb. Bu göstərici Lepajın şəxsi rekordu olmaqla yanaşı, dünyada mövsümün ən yaxşı nəticəsidir.
Daha bir kanadalı atlet Damyan Uorner dünya çempionatının gümüş mükafatını qazanıb. Bürünc medala isə Qrenada təmsilçisi Lindon Viktor sahib olub.
2023 Dünya çempionatı. Dekatlon. Kişilər:
- Pirs Lepaj (Kanada) – 8909 xal;
- Damyan Uorner (Kanada) – 8804 xal;
- Lindon Viktor (Qrenada) – 8756 xal.
Avqustun 19-da başlamış yüngül atletika üzrə dünya çempionatına bu gün yekun vuruluacaq.
