Budapeştdə keçirilən yüngül atletika üzrə dünya çempionatında qadınların üç təkanla tullanma üzrə yarışı başa çatıb.
Arena.az xəbər verir ki, venesuelalı atlet Yulimar Roxas sonuncu cəhdində 15 metr 8 santimetr nəticə göstərməklə qızıl medala sahib olub.
Gümüş medalı ilk cəhdində düz 15 metr nəticə göstərmiş ukraynalı atlet Marina Bex-Romançuk qazanıb.
Bürünc medalı isə 14 metr 96 santimetr nəticə göstərmiş kubalı atlet Leyanis Peres Ernandes boynundan asıb.
2023 Dünya çempionatı. Üç təkanla tullanma. Qadınlar:
- Yulimar Roxas (Venesuela) – 15,08 metr;
- Marina Bex-Romançuk (Ukrayna) – 15,00 metr;
- Leyanis Peres Ernandes (Kuba) – 14,96.
Avqustun 19-da başlamış yüngül atletika üzrə dünya çempionatına ayın 27-də yekun vurulacaq.
