Budapeştdə keçirilən yüngül atletika üzrə dünya çempionatında qadınlar arasında marafon yürüşü yarışı başa çatıb.
Arena.az xəbər veir ki, qızıl medalı həbəş qaçışçı Amane Beriso Şankule qazanıb.
Şankule 42 kilometr 195 metr məsafəni 2 saat 24 dəqiqə 23 saniyəyə qət edib.
Gümüş medalı da Həbəşistan təmsilçisi qazanıb – marafon üzrə ötənilki dünya çempionu Qotitom Gebreslase bu dəgə ikinci olub.
Bürünc medala isə mərakeşli atlet Fatimə-Ezzara Qardari sahib olub.
2023 Dünya çempionatı. Marafon yürüşü. Qadınlar:
- Amane Beriso Şankule (Həbəşistan) – 2:24,23 saniyə;
- Qotitom Gebreslase (Həbəşistan) – 2:24,34 saniyə;
- Fatimə-Ezzara Qardari (Mərakeş) – 2:25,17 saniyə.
Avqustun 19-da başlamış yüngül atletika üzrə dünya çempionatına ayın 27-də yekun vurulacaq.
