Futbol üzrə UEFA Çempionlar Liqasında 1/4 final mərhələsinin ilk oyunları keçirilib.
Arena.az xəbər verir ki, bu gün daha iki qarşılaşma baş tutub.
ÇL-in son qalibi “Bavariya” doğma meydanda PSJ-ni qəbul edib. Beş qolun qeydə alındığı matç Münhen təmsilçisi üçün uğursuz alınıb. Belə ki, Paris klubu səfərdən qələbə ilə dönüb.
1/8 final mərhələsində “Yuventus”u mübarizədən kənarlaşdıran Portuqaliyanın “Portu” klubu isə “Çelsi”si ilə qarşılaşıb. Meydan sahibləri London təmsilçisinə müqavimət göstərə bilməyib. İngiltərə nəhəngi səfərdə inamlı qələbəyə sevinib.
Xatırladaq ki, ilk oyun günündə “Mançester Siti” (İngiltərə) “Borussiya”ya (Dortmund, Almaniya) 2:1, “Real” (İspaniya) “Liverpul”a (İngiltərə) 3:1 hesabıyla qalib gəlib. Cavab qarşılaşmaları gələn həftə baş tutacaq.
UEFA Çempionlar Liqası
1/4 finalın ilk oyunları
7 aprel
Bavariya (Almaniya) – PSJ (Fransa) 2:3
Qol: Şupo-Motinq, 37. Müller, 60 – Mbappe, 3; 68. Markinyos, 28.
Bavariya: Manuel Noyer, Lukas Ernandes, David Alaba, Niklas Zule, Benjamen Pavar, Yozua Kimmix, Leon Qoretska, Kinqsli Koman, Tomas Müller, Leroy Sane, Erik Şupo-Motinq.
Ehtiyat oyunçular: Aleksandr Nubel, Jerom Boatenq, Alfonso Devis, Buna Sarr, Tangi Nyanzu, Xavi Martines, Camal Musiala.
PSJ: Keylor Navas, Kolin Daqba, Markinyos, Presnel Kimpembe, Abdu Diallo, Danilo Pereyra, İdrissa Qeye, Anxel Di Mariya, Neymar, Yulian Draksler, Kilian Mbappe.
Ehtiyat oyunçular: Serxio Riko, Aleksandr Letelye, Tilo Kerer, Mitçell Bakker, Timote Pembele, Abdulay Kamara, Rafinya, Ander Errera, İsmael Qarbi, Moyze Ken, Pablo Sarabiya, Kenni Naqera.
Portu (Portuqaliya) – Çelsi (İngiltərə) 0:2
Qol: Maunt, 32. Çiluell, 85.
Portu: Auqustin Marçesin, Zaydu Sanusi, Pepe, Şansel Mbemba, Uilson Manafa, Otavio, Mateus Uribe, Marko Qruyiç, Xesus Korona, Luis Dias, Mussa Mareqa.
Ehtiyat oyunçular: Klaudio Ramos, Dioqo Leyte, Malanq Sarr, Nanu, Mamadu Lum, Romario Baru, Felipe Anderson, Fabio Vieyra, Joao Mario, Toni Martines, Evanilson, Fransisko Konseysao.
Çelsi: Eduard Mendi, Antonio Rudiger, Andreas Kristensen, Sesar Aspilikueta, Ben Çiluell, Mateo Kovaçiç, Jorjinyo, Ris Ceyms, Timo Verner, Kay Haverts, Meyson Maunt.
Ehtiyat oyunçular: Kepa Arrisabalaqa, Villi Kapalyero, Markos Alonso, Tyaqo Silva, Kurt Zuma, Emerson, Nqolo Kante, Hakim Zieş, Kallum Hadson-Odoi, Kristian Pulişiç, Olivye Jiru, Temmi Abraham.
