Niderland millisinin baş məşqçisi Ronald Kuman UEFA Millətlər Liqası 1/4 finalının İspaniya yığması ilə cavab oyununu şərh edib.
Arena.az məlumat verir ki, evdə 2:2 hesablı heç-heçə oynamış “narıncılar” səfərdə 3:3 (əsas vaxt 2:2) hesabı ilə oyunu penaltilər silsiləsinə daşısalar da, burada 4:5 hesablı məğlubiyyətə üzülüblər.
Ronald Kuman matçdan sonra keçirilmiş mətbuat konfransında bunları söyləyib:
“Hər iki yığma mərhələni adlamağa layiq idi, ancaq bunu biri edə bilərdi. Bu, nəticəsini uğurun həll etdiyi gərgin heç-heçə idi. Mən oyunçularımla çox fəxr edirəm. İspaniya yığmasının üç qoluna qarşılıq verdik. Biz mümkün olan hər şeyi etdik və mütləq tezliklə oynayırdıq. Əlbəttə, biz təsnifatı keçmək istəyirdik. Oyunun başlanğıcı çətin idi, biz çox da yaxşı təpki göstərmirdik. Ancaq biz bütün oyun ərzində çox güclü zehniyyət nümayiş etdirdik, çünki rəqibin qollarına qarşılıq verdik. Biz kənarlaşdırıldıq, ancaq müvafiq oyunumuz müqabilində əldə etdiklərimiz çoxdur”, – UEFA-nın rəsmi saytı niderlandlı mütəxəssisdən sitat gətirir.
