Kişilər arasında təşkil olunmuş Azərbaycan Basketbol Liqasında (ABL) bu gün pley-in mərhələsinin cavab oyunlarına start verilib.
Arena.az xəbər verir ki, ilk oyun günündə bir qarşılaşma baş tutub.
“Lənkəran” səfərdə məğlub olduğu “Gəncə” ilə bu dəfə evdə üz-üzə gəlib. Amma Lənkəran təmsilçisi cavab görüşündə də məğlub olub – 74:100.
Xatırladaq ki, bu komandaların ilk görüşündə də Gəncə təmsilçisi qələbə qazanmışdı – 96:92.
Beləliklə, “Gəncə” iki qələbə sayəsində pley-off mərhələsinə vəsiqə qazanıb.
Pley-in mərhələsinin digər cavab qarşılaşmaları sabah baş tutacaq.
Azərbaycan Basketbol Liqası
Pley-in mərhələsi, ikinci oyun
13 aprel
“Lənkəran” – “Gəncə” 74:100 (19:24, 18:21, 23:29, 14:26)
İlk oyun – 92:96.
Lənkəran Olimpiya İdman Kompleksi.
