FIBA Avropa Kubokunun əsas mərhələsində mübarizə aparan Azərbaycanın “Abşeron Lions” və “Neftçi” komandaları növbəti oyunlarına çıxıblar.
Arena.az xəbər verir ki, Azərbaycan təmsilçiləri qrup mərhələsinin sonuncu turunda bir-biri ilə üz-üzə gəliblər.
I qrupunda yer almış komandalarımızın görüşü “Neftçi”nin məğlubiyyəti ilə yekunlaşıb. Bakı İdman Sarayında keçirilmiş matç abşeronluların 95:86 hesablı qələbəsi ilə bitib.
Xatırladaq ki, bu komandaların qrupdakı ilk oyununda “Neftçi” 104:86 hesablı qələbəyə sevinmişdi. Paytaxt təmsilçisi bu dəfə də qələbə qazansaydı, FİFA Avropa Kubokunun əsas mərhələsində tarixi uğura imza ataraq pley-offa yüksəlmiş ilk Azərbaycan komandası olacaqdı. Amma “Neftçi” bu böyük şansı əldən verib.
Qeyd edək ki, I qrupunda Polşa “Trefl”i 10 xalla birinci yeri tutub. “Neftçi” 9 xalla ikinci olub. Estoniya “Kalev”i eyni xalla 3-cü olubsa, 8 xal toplamış “Abşeron Lions” sonuncu yerlə kifayətlənib.
