Futbol üzrə İtaliya A Seriyasında 29-cu turun oyunları keçirilir. Arena.az xəbər verir ki, bu gün daha beş qarşılaşma baş tutub.
“Atalanta” – “Cenoa” matçında qapılara qol vurulmayıb. Səfərdə “Udineze” ilə qarşılaşan “Roma” turu 1 xalla başa vurub. “Fiorentina” isə evdə “Bolonya”nı minimal hesabla üstələyib.
Liderin ən yaxın izləyicisi “İnter” çətin Turin səfərinə yollanıb. 6 oyundur qələbə qazana bilməyən “Torino” məhz bu matçda tilsimi qırmaq niyyətindəydi. Amma komandalar bu görüşdən hərəyə 1 qol və 1 xalla ayrılıblar.
“Napoli” isə səfərdə “Verona”nı sınağa çəkib. “İnter”in xal itkisindən maksimum yararlanan Neapol təmsilçisi turnir cədvəlində ikinci pilləyə yüksəlib.
Tura “Latsio” – “Venetsiya” görüşüylə yekun vurulacaq.
İtaliya A Seriyası
29-cu tur
12 mart
Salernitana – Sassuolo 2:2
Qol: Bonatsoli, 8. Dyuriç, 81 – Skamakka, 20. Traore, 30.
Spetsiya – Kalyari 2:0
Qol: Erlik, 55. Manaj, 74.
Sampdoriya – Yuventus 1:3
Qol: Sabiri, 84 – Yoşida, 23-öz qapısına. Morata, 34-pen; 88.
Milan – Empoli 1:0
Qol: Kalulu, 19.
13 mart
Fiorentina – Bolonya 1:0
Qol: L.Torreyra, 70.
Verona – Napoli 1:2
Qol: Faraoni, 77 – Osimhen, 14; 71.
Atalanta – Cenoa 0:0
Udineze – Roma 1:1
Qol: Molina, 15 – Pelleqrini, 90+4-pen.
Torino – İnter 1:1
Qol: Bremer, 12 – A.Sançes, 90+3.
14 mart
23:45 Latsio – Venetsiya
