İtaliyanın “Latsio” klubunun sağ cinah müdafiəçisi Romano Floriani Mussolini paytaxt təmsilçisi ilə yeni müqaviləyə imza atıb.
Arena.az xəbər verir ki, bu barədə paytaxt təmsilçisinin mətbuat xidməti məlumat yayıb.
23 yaşlı futbolçu ilə yeni müqavilə 2031-ci il iyunun 30-dək nəzərdə tutulub.
Romano Floriani Mussolini “Latsio”nun yetirməsidir. Sağ cinah müdafiəçisi müxtəlif vaxtlarda icarə əsasında “Pordenone”, “Yuve Stabiya” və “Kremoneze”də çıxış edib. O, bu mövsüm isə “Latsio”nun əsas heyətində möhkəmlənərək komandanın baş məşqçisi Cennaro Qattuzonun güvəndiyi futbolçulardan birinə çevrilib.
Floriani Mussolininin yeni müqaviləsi onun “Latsio”dakı mövqeyinin əhəmiyyətli dərəcədə möhkəmləndiyini göstərir. İtaliya mətbuatının məlumatına görə, futbolçunun əvvəlki illik məvacibi təxminən 150 min avro olub. Yeni müqavilə ilə onun qazancı əhəmiyyətli dərəcədə artırılıb. Müxtəlif mənbələr yeni maaşla bağlı 500-600 min avro civarında rəqəmlər açıqlayıb.
Mussolini soyadı ilə tanınan futbolçu keçmiş İtaliya diktatoru Benito Mussolininin nəticəsidir. Romano Floriani də daha əvvəl siyasətlə maraqlanmadığını bildirib. O, noyabrın 4-də A Seriyasının “Sassuolo” ilə oyununda “Latsio”nun heyətində ilk qolunu da vurub.
Müqavilənin uzadılmasından sonra futbolçu klubun rəsmi saytına açıqlamasında “Latsio”nun rəngləri ilə müqaviləni yeniləməyin onun üçün böyük qürur olduğunu bildirib və bundan sonra da əlindən gələni edəcəyini vurğulayıb.
