“Barselona” müdafiəçisi Ronald Arauxo ilə müqaviləni yeniləyib. Arena.az xəbər verir ki, bu barədə Kataloniya klubunun mətbuat xidməti məlumat yayıb.
Uruqvaylı müdafiəçi ilə müqavilə 2026-cı ilə qədərdir. Onun təzminat məbləği isə 1 milyard avro müəyyənləşdirilib.
Arauxo 2018-ci ildən “Barselona”da çıxış edir. Bu mövsüm o, 39 oyun keçirib və 4 qol vurub. Bütövlükdə isə 23 yaşlı futbolçu “Barselona”da 78 matça çıxıb, 6 qola imza atıb.
Uruqvay millisinin də üzvü olan Ronald Arauxo daha öncə “Rentistas” və “Boston River” komandalarında forma geyinib.
