Futbol üzrə İtaliya çempionatında (A Seriyası) 2022/23 mövsümünün ilk turunun oyunları keçirilib. Arena.az xəbər verir ki, sonuncu oyun günündə daha iki qarşılaşma baş tutub.
Əvvəlcə “Verona” doğma meydanda “Napoli” ilə qarşılaşıb. Yeddi qolun qeydə alındığı bu oyunda Neapol təmsilçisi darmadağına sevinib.
“Yuventus” isə “Sassuolo”nu qəbul edib. Turin təmsilçisi də ilk oyunundan darmadağınla ayrılıb.
İtaliya A Seriyası
1-ci tur
15 avqust
Verona – Napoli 2:5
Qol: Lasanya, 29. Henri, 48 – Kvaratsxeliya, 37. Osimhen, 45+3. Zelinski, 55. Lobotka, 65. Politano, 79.
Yuventus – Sassuolo 3:0
Qol: Di Mariya, 26. Vlahoviç, 43-pen; 51.
İlk turun digər oyunlarında aşağıdakı nəticələr qeydə alınıb:
13 avqust
Milan – Udineze 4:2
Sampdoriya – Atalanta 0:2
Leççe – İnter 1:2
Monza – Torino 1:2
14 avqust
Fiorentina – Kremoneze 3:2
Latsio – Bolonya 2:1
Salernitana – Roma 0:1
Spetsiya – Empoli 1:0
