Futbol üzrə İngiltərə çempionatında (Premyer Liqa) 28-ci tura yekun vurulub. Arena.az xəbər verir ki, sonuncu oyun günündə daha bir qarşılaşma baş tutub.
Lider “Arsenal” doğma meydanda “Kristal Pelas”la qarşılaşıb. Beş qolun qeydə alındığı matçda “topçular” darmadağına seviniblər.
Xatırladaq ki, bu turun “Liverpul” – “Fulhem”, “Brayton” – “Mançester Yunayted” və “Mançester Siti” – “Vest Hem” oyunları təxirə salınıb.
Hazırda 69 xala malik “Arsenal” vahid liderdir. “Mançester Siti” 61 xalla ikinci, “Mançester Yunayted” 50 xalla üçüncü pillədə qərarlaşıb. “Tottenhem” 49, “Nyukasl” 47, “Liverpul”, “Brayton” və “Brentford” 42, “Fulhem” 39, “Çelsi” və “Aston Villa” 38 xal toplayıblar. “Kristal Pelas”la “Vulverhempton”un 27, “Lids”, “Everton” və “Nottingem Forest”in 26, “Lester Siti”nin 25, “Vest Hem”lə “Bornmut”un 24, sonuncu olan “Sauthempton”un isə 23 xalı var.
İngiltərə Premyer Liqası
28-ci tur
17 mart
Nottingem Forest – Nyukasl 1:2
Qol: Dennis, 26 – A.İsak, 45+2; 90+3-pen.
18 mart
Aston Villa – Bornmut 3:0
Qol: D.Luis, 7. Remsi, 80. Buendiya, 89.
Brentford – Lester Siti 1:1
Qol: Yensen, 32.
Sauthempton – Tottenhem 3:3
Qol: Adams, 46. Uolkott, 77. Uord-Prous, 90+3 – Porro, 45+1. Keyn, 65. Perişiç, 74.
Vulverhempton – Lids 2:4
Qol: Conni, 65. Kunya, 73 – Harrison, 6. Aylinq, 49. Kristensen, 62. Rodriqo, 90+7.
Çelsi – Everton 2:2
Qol: J.Feliks, 52. Haverts, 76-pen – Dukure, 69. Simms, 89.
19 mart
Arsenal – Kristal Pelas 4:1
Qol: Martinelli, 28. Saka, 43; 74. Caka, 55 – Şlupp, 63.
