“Barselona”nın baş məşqçisi Xavi “blauqrana”nın İspaniya Super Kubokunun yarımfinalında “Osasuna” ilə oyunda (2:0) qələbəsini şərh edib.
Arena.az “Marca” nəşrinə istinadən, ispan mütəxəssisin bu barədə fikirlərini təqdim edir:
“Oyun təkanlarla keçdi. Bu gün çətin idi. Onlar çox yaxşı qapanırlar və ən yaxşı müdafiə komandalarından biridirlər. Oyunun rahat keçməyəcəyini bilirdik. “Osasuna”nı təbrik etməliyik. Ümumilikdə ayıq oyun keçirdik. Biz üstünlük saxlayır, vəziyyətə nəzarət edirdik. Həmişəkindən daha çox imkan yaratdıq, amma daha tez də qol vura bilərdik.
Biz xoşbəxtik, daha bir finaldayıq, daha bir “klasiko”dayıq. İndi biz finaldan həzz almalı və bunun üçün mübarizə aparmalıyıq. Bu parlaq oyun deyildi, amma ayıq və yaxşı oyun idi. Finala çıxmağa layiq idik. Bu, bazar günü ərəfəsində bizə döyüş ruhu və əminlik bəxş edəcək”, deyə Xavi bildirib.
Xatırladaq ki, İspaniya Super Kubokunda “el klasiko” baş tutacaq – yanvarın 14-ü keçiriləcək final oyununda “Real” və “Barselona” üz-üzə gələcəklər.
