Bu gün futbol üzrə İtaliya çempionatında (A Seriyası) 2023/2024 mövsümünün 16-cı turunun oyunlarına yekun vurulub.
Arena.az xəbər verir ki, sonuncu oyun günündə bir qarşılaşma baş tutub.
Turun qapanış matçında “Atalanta” doğma meydanda “Salernitana” ilə münasibətlərinə aydınlıq gətirib. Qarşılaşmada hesabı qonaq komanda açıb. Lakin ikinci yarıda matçda dönüş yaradan “Atalanta” rəqibi qol vurmasına peşman edib.
Bu qələbədən sonra “Atalanta” 26 xalla 7-ci pillədə qərarlaşıb. “Salernitana” isə 8 xalla sonuncudur.
A Seriyasına 16 turdan sonra 41 xal toplamış Milan “İnter”i liderlik edir. “Yuventus” 37 xalla ikinci, “Milan” 32 xalla üçüncü pillədə qərarlaşıb. “Bolonya”nın 28, “Napoli” və “Fiorentina”nın 27, “Roma”nın 25, “Torino”nun 23 xalı var.
İtaliya, A Seriyası
16-cı tur
15 dekabr
Cenoa – Yuventus 1:1
Qollar: Qudmundsson, 48 – Kyeza, 28-pen.
16 dekabr
Leççe – Frozinone 2:1
Qollar: Pikkoli, 11. Ramadani, 89 – Kayo Xorxe, 33-pen.
Napoli – Kalyari 2:1
Qollar: Osimhen, 69. Kvaratsxeliya, 75 – Pavoletti, 72.
Torino – Empoli 1:0
Qol: Sapata, 25.
17 dekabr
Milan – Montsa 3:0
Qollar: Reynders, 3. Şimiç, 41. Okafor, 76.
Fiorentina – Verona 1:0
Qollar: Beltran, 78.
Udineze – Sassuolo 2:2
Qollar: Lukka, 36. Pereyra, 55 – Berardi, 75-pen; 88-pen.
Bolonya – Roma 2:0
Qollar: Moro, 37. Kristensen, 49-öz qapısına.
Latsio – İnter 0:2
Qollar: L.Martines, 40. M.Türam, 66.
18 dekabr
Atalanta – Salernitana 4:1
Qollar: Muriel, 47. Paşaliç, 52. De Ketelare, 83. Mirançuk, 89 – Pirola, 10.
