Bu gün futbol üzrə İtaliya çempionatında (A Seriyası) 2023/2024 mövsümünün 6-cı turunun sonuncu oyunları keçirilib.
Arena.az xəbər verir ki, sonuncu oyun günündə üç qarşılaşma baş tutub.
“Montsa” – “Bolonya” matçında qapılara qol vurulmayıb. “Frozinone” – “Fiorentina” görüşündə də tərəflər hərəyə 1 qol vurmaqla 1 xal qazanıblar.
Turun qapanış matçı isə bol qollu alınıb. Belə ki, “Cenoa” doğma meydanda qarşılaşdığı “Roma”nı böyük hesabla məğlub edib.
Beləliklə, 6 turdan sonra 15 xala malik “İnter”lə “Milan” turnir cədvəlinə şərikli liderlik edirlər. “Yuventus” 13, “Atalanta” 12, “Napoli”, “Leççe” və “Fiorentina” 11, “Frozinone” və “Sassuolo” 9, “Torino 8 xal toplayıb. “Cenoa”, “Latsio”, “Bolonya” və “Verona”nın hazırda 7, “Montsa”nın 6, “Roma”nın 5, “Salernitana”, “Udineze” və “Empoli”nin 3 xalı var. “Kalyari” də 2 xalla sonuncudur.
İtaliya A Seriyası
6-cı tur
26 sentyabr
Yuventus – Leççe 1:0
Qol: Milik, 57.
27 sentyabr
Kalyari – Milan 1:3
Qollar: Luvumbo, 29 – Okafor, 40. Tomori, 45. Loftus-Çik, 60.
Empoli – Salernitana 1:0
Qol: Baldanzi, 34.
Verona – Atalanta 0:1
Qol: Kopmeyners, 13.
İnter – Sassuolo 1:2
Qollar: Dumfris, 45+1 – Bayrami, 54. Berardi, 63.
Latsio – Torino 2:0
Qollar: Vesino, 56. Zakkayni, 75.
Napoli – Udineze 4:1
Qollar: Zelinski, 19. Osimhen, 39. Kvaratsxeliya, 74. Simeone, 82.
28 sentyabr
Frozinone – Fiorentina 1:1
Qollar: Soule, 70 – N.Qonsales, 19.
Montsa – Bolonya 0:0
Cenoa – Roma 4:1
Qollar: Qudmundsson, 5. Reteqi, 45. Torsbi, 74. Messias, 81 – Kristante, 22.
