Bu gün futbol üzrə İtaliya çempionatında (A Seriyası) 2023/2024 mövsümünün 24-cü turunun oyunlarına yekun vurulub.
Arena.az xəbər verir ki, sonuncu oyun günündə bir qarşılaşma baş tutub.
Turun qapanış matçında liderlər qrupunda qərarlaşmış “Yuventus” doğma meydanda “Udineze” ilə münasibətlərinə aydınlıq gətirib. İlk hissədə hesabı açan Udine təmsilçisi bu üstünlüyünü sonadək qorumağı və Turindən gözlənilməz qələbə ilə qayıtmağı bacarıb.
Beləliklə, 24 turdan sonra 60 xala malik “İnter” vahid liderdir. Bu komandanın ehtiyatda təxirə salınmış bir oyunu da var. “Yuventus” 53 xalla 2-ci, “Milan” 52 xalla 3-cü pillədə qərarlaşıb. “Atalanta”nın 42, “Bolonya”nın 39, “Roma”nın 38, “Fiorentina” və “Latsio”nun 37, son çempion “Napoli”nin isə 35 xalı var.
İtaliya, A Seriyası
24-cü tur
9 fevral
Salernitana – Empoli 1:3
Qollar: Vaysmann, 69 – Zanoli, 23-öz qapısına. Nyanq, 88-pen. Kanselyeri, 90+4.
10 fevral
Kalyari – Latsio 1:3
Qollar: Qaetano, 51 – Deyola, 26-öz qapısına. İmmobile, 49. F.Anderson, 65.
Roma – İnter 2:4
Qollar: Mançini, 28. El-Şaravi, 44 – Açerbi, 17. Türam, 49. Anxelinyo, 56-öz qapısına. Bastoni, 90+3.
Sassuolo – Torino 1:1
Qollar: Pinamonti, 5 – Sapata, 9.
11 fevral
Fiorentina – Frozinone 5:1
Qollar: Belotti, 16. İkone, 10. M.Karta, 43. N.Qonsale, 53. A.Barak, 85 – Massitelli, 66.
Bolonya – Leççe 4:0
Qollar: Beukema, 5. Orsolini, 27; 49. Odqard, 82.
Montsa – Verona 0:0
Cenoa – Atalanta 1:4
Qollar: Malinovski, 51 – De Ketelare, 22. Kopmeyners, 55. Zappakosta, 90+10. Ture, 90+13.
Milan – Napoli 1:0
Qol: T.Hernandes, 25.
12 fevral
Yuventus – Udineze 0:1
Qol: Cannetti, 25.
