“Mançester Yunayted”in keçmiş baş məşqçisi, şotland mütəxəssis Ser Aleks Ferqyuson bəzən işi üçün darıxdığını etiraf edib.
Arena.az “The Sun” dərgisinə istinadən, əfsanəvi şotland mütəxəssisin bu barədə fikrini təqdim edir:
“Bəli, bəzən bunun üçün darıxıram. Təqaüdə çıxdıqdan sonra ilk ildə UEFA Çempionlar Liqasının finalını ziyarət etdim və Ketiyə (artıq dünyasını dəyişmiş həyat yoldaşı – redaktorun qeydi) dedim: “Bax, mən buna görə darıxıram – böyük beynəlxalq oyunlar üçün”.
Beləliklə, mən Avropa finallarının əksəriyyətində iştirak etdim, çünki gündəlik olaraq etmək istədiyim yaxın bir xüsus tapmışdım. Bunlar “Mançester Yunayted”in həmişə iştirak etməli olduğu böyük hadisələrdir”, deyə Ferqyuson bildirib.
Xatırladaq ki, şotland mütəxəssis 1986-2013-cü illərdə mankunianlıları çalışdırıb. Bu müddətdə “Mançester Yunayted” 13 dəfə İngiltərə çempionu olub. Həmçinin “qırmızı şeytanlar” 5 dəfə İngiltərə Kubokunu, 4 dəfə İngiltərə Liqa Kubokunu, 10 dəfə İngiltərə Super Kubokunu, 2 dəfə UEFA Çempionlar Liqasını qazanıblar. Ümumilikdə, Aleks Ferqyusonun rəhbərliyi altında “qırmızı şeytanlar” bütün yarışlarda 1476 oyun keçiriblər.
Ser Aleks Ferqyuson “Yunayted”i dünya futbolunun zirvəsinə qaldırmaqla yanaşı, klubda müasir futbol ölçülərini müəyyən edib. Əbəs deyil ki, Ferqyusonun “qırmızı şeytanlar”dan ayrılmasından sonra klub bir müddət iddiasını sürdürsədə, hazırda futbol səhnəsində tarixən ən pis dövrünü yaşayır.
