“Milan”ın yeni müqavilə imzaladığı ispan mərkəz hücumçusu Alvaro Morata “rossoneri”nin düşərgəsinə keçidinin səbəbini açıqlayıb.
Arena.az jurnalist Nikolo Skiraya istinadən, ispan futbolçunun bu barədə fikrini təqdim edir:
“Milan”a qələbə qazanmaq üçün gəlmişəm. Mən kluba tarix yazmağa və ikinci ulduzu (loqosunda – redaktorun qeydi) qazanmağa kömək etmək istəyirəm. 50-60 qol vurmağa tüpürmək istərəm. Elə futbolçular var ki, karyerasında 1000 qol vurublar, amma heç nə qazanmayıblar. Mən hələ öz məhdudiyyət civarıma yetməmişəm”, deyə Morata vurğulayıb.
Xatırladaq ki, Alvaro Moratanın İtaliya klubuna keçidi “Milan”a 13 milyon avro məbləğində başa gəlib. İspan futbolçu “Milan”la müddəti 2028-ci ilin iyun ayının sonuna qədər qüvvədə olacaq müqaviləyə imza atıb.
Alvaro Morata Madrid “Atletiko”sunun yetirməsidir. Təcrübəli hücumçu karyerası ərzində “Xetafe”, “Real”, “Yuventus” və “Çelsi”də də çıxış edib.
Geridə qalmış 2023/2024-cü illər mövsümündə Morata “döşəkçilər”in heyətində bütün yarışlarda 48 oyuna çıxıb, 21 qol vurub, 5 məhsuldar ötürmə verib. Moratanın “Atletiko”nun heyətində çıxışının ümumi mənzərəsi isə belədir: 154 oyun, 58 qol, 14 məhsudlar ötürmə.
Alvaro Morata hazırda kapitanı olduğu, 2014-cü ilin martında debüt etdiyi İspaniya yığmasının heyətində 80 oyuna 36 qol və 8 məhsuldar ötürmə ilə fərqlənib. O, bir müddət öncə İspaniya millisi ilə Almaniyada keçirilmiş Avropa çempionatının (AÇ-2024) qalibi olub.
“Transfermarkt” internet-portalı 31 yaşlı ispan hücumçunun transfer dəyərini 16 milyon avro məbləğində qiymətləndirir.
