“Napoli”nin baş məşqçisi Antonio Konte İtaliya Kubokunun 1/16 final mərhələsində “Palermo”ya qarşı keçirdikləri oyunu şərh edib.
Arena.az xəbər verir ki, Neapol təmsilçisi 5:0 hesablı qələbə sayəsində növbəti mərhələyə vəsiqə qazanıb.
İtalyan mütəxəssis komandasının möhtəşəm qələbəsini belə şərh edib:
“Oyuna yanaşmamız düzgün idi. Biz mərhələ keçmək istəyirdik. Uşaqların buna göstərdiyi qayğı, qətiyyət və hər şeydən əvvəl istək xoşuma gəldi. Həmişə daha yaxşı olmaq, bəzi çatışmazlıqları düzəltmək üçün işləməyə bir əsasımız olacaq.
Məni ən çox kim təəccübləndirdi? Mən heç vaxt xidmət qiyməti verməyi sevməmişəm. Komanda yaxşı uşaqlardan ibarətdir. Gələnlər çox yaxşı alışıblar, düzgün istiqamətdə işləyirik. Hər şeydən bir azacıq. Köhnə bünövrəni bərpa edərək, yeni güc-qüvvə ilə oyunçuları cəlb etmişik”, deyə Konte razılıqla bildirib.
Antonio Konte “Napoli”nin cari mövsümdə avrokuboklarda iştirak etməməsinin komandanın daxili yarışlarda çıxışına təsiri ilə bağlı sualı da cavablayıb:
“Bəli, bunu inkar etməyin heç bir faydası yoxdur. Həftədə bir dəfə keçirilən oyunlar mütləq kömək edir, xüsusən bu, ilk mövsümümdür. Bu, mənə daha dərinə getməyə və müxtəlif vəziyyətlər üzərində işləməyə, sonra isə bu məlumatları oyunçulara çatdırmağa imkan verir”, deyə Konte bildirib.
Əlavə edək ki, Kontenin çalışdırdığı “eşşəkciklər” İtaliya A Seriyasının 5 turundan 10 xalla yarış cədvəlinin 2-ci pilləsində, lider “Torino”nun 1 xal gerisində qərarlaşıblar.
