İtaliyanın “Yuventus” klubu braziliyalı mərkəz yarımmüdafiəçisi Artur Melo ilə müqaviləyə qarşılıqlı razılıq əsasında xitam verib.
Arena.az bu barədə Turin klubunun rəsmi saytına istinadən məlumat verirlər.
Artur Melo “Yuventus”a 2020-ci ilin yayında “Barselona”dan keçmişdi. Braziliyalı yarımmüdafiəçi Turin klubunun heyətində ümumilikdə 63 oyun keçirib, 1 qol vurub, 1 məhsuldar ötürmə verib.
Artur bu müddətdə “Liverpul”, “Fiorentina”, “Jirona” və “Qremio”da icarə də olub.
Arturun “Yuventus”la müqaviləsi 2027-ci ilin iyun ayının sonuna qədər qüvvədə idi.
Braziliyalı futbolçu “Qremio”nun yetirməsidir. O, “Yuventus”a keçənə qədər “Barselona”da da oynayıb. Yarımmüdafiəçi Braziliya yığmasında 22 oyun keçirib, 1 qol vurub.
“Transfermarkt” internet-portalı 30 yaşlı yarımmüdafiəçinin transfer dəyərini 4 milyon avro məbləğində qiymətləndirir.
