Almaniyanın “Volfsburq” klubunun belçikalı mərkəz yarımmüdafiəçisi Aster Vranks bundan sonra “Sassuolo”nun uğurları üçün çalışacaq.
Arena.az xəbər verir ki, bu barədə İtaliya klubu rəsmi saytı vasitəsilə məlumat yayıb.
A Seriyası təmsilçisi 22 yaşlı belçikalını 2025/2026-cı illər mövsümünün sonunadək satınalma şərti ilə icarəyə götürüb.
Belçikanın “Mexelen” klubunun yetirməsi olan Aster Vranks “Volfsburq”a 2021-ci ilin ayyında 8 milyon avro müqabilində keçmişdi. O, 2022/2023-cü illər mövsümündə “Milan”da da icarədə olub.
Vranksın “Volfsburq” karyerası 70 oyun və 2 qoldan ibarətdir. O, “Milan”da da 47 oyun keçirib, 5 qol və 4 məhsuldar ötürmə müəllifi olub.
Belçikanın aşağı yaş qrupları üzrə müxtəlif yığmalarında oynamış Vranks 2023-cü ildə əsas millidə debüt edib. O, millinin heyətində 9 oyuna çıxıb, 1 assistlə yadda qalıb.
“Transfermarkt” internet-portalı 22 yaşlı yarımmüdafiəçinin transfer dəyərini 7 milyon avro məbləğində qiymətləndirir.
