Niderland futbolunun nəhənglərindən hesab edilən “Ayaks” komandası tarixinin ən uğursuz seriyasını müəyyənləşdirib.
Arena.az bu barədə Beynəlxalq Futbol Tarixi və Statistikaları Federasiyasına istinadən xəbər verir.
UEFA Çempionlar Liqasının əsas mərhələsinin 6-cı turunda Azərbaycan çempionu “Qarabağ”la üz-üzə gələcək Amsterdam təmsilçisi ötən gecə Portuqaliyanın “Benfika” kollektivinə uduzub – 0:2.
Bununla da sözügedən komanda avrokuboklarda ardıcıl 8 matçında məğlubiyyət acısı yaşayıb. Bu isə klub tarixində ən pis seriyadır.
Bundan əlavə, klub UEFA Çempionlar Liqasının 2025/2026-cı illər mövsümündə ilk 5 qarşılaşmada yenilmiş ikinci Niderland təmsilçisidir. Daha öncə “Feyenoord” 2017/2018-ci illər mövsümündə oxşar nəticəyə imza atmışdı.
Xatırladaq ki, “Qarabağ” “Ayaks”la UEFA Çempionlar Liqasının Liqa mərhələsinin 6-cı turu çərçivəsində üz-üzə gələcək. Qarşılaşma dekabrın 10-da Bakıda keçiriləcək.
