Bu gün Azərbaycan Basketbol Liqasında (ABL) 2023/2024-cü il mövsümünün 11-ci turunun növbəti oyunları keçirilib.
Arena.az xəbər verir ki, ikinci oyun günündə də iki qarşılaşma baş tutub.
Səfərdə “Gəncə” ilə qarşılaşan “Xəzri” 96:89 hesablı qələbəyə sevinib. Bu qələbə sayəsində “Xəzri” liderliyi ələ keçirib.
Günün ikinci matçında isə “Xırdalan” “Sumqayıt”ı 100:90 hesabı ilə məğlub edib.
Daha öncə “Sərhədçi” “Şəki”yə 112:82, “Neftçi” isə “Cəlilabad”a 72:63 hesabı ilə qalib gəlmişdi.
11-ci tura yanvarın 21-də keçiriləcək “NTD-İndiqo” – “Sabah” görüşü ilə yekun vurulacaq.
Xatırladaq ki, Azərbaycan Basketbol Liqasında bu mövsüm 10 komanda – “Sabah”, “NTD-İndiqo” (Xaçmaz), “Gəncə”, “Xırdalan”, “Sərhədçi”, “Neftçi”, “Cəlilabad”, “Şəki”, “Xəzri” və “Sumqayıt” mübarizə aparır. Çempionat iki dövrədən, yəni 18 turdan ibarət olacaq. Reqlamentə əsasən, müntəzəm mövsümü ilk “altılıq”da tamamlayacaq klublar pley-offa vəsiqə qazanacaqlar. Bu altılıqda ilk iki sıranı tutmuş klublar birbaşa pley-offun yarımfinallarından, digər dörd kollektiv isə 1/4 finallardan mübarizəyə start verəcəklər. 1/4 və 1/2 finallarda ən tez iki qələbə, final seriyasında isə ən tez 3 qələbə qazanmış klub sevinən tərəf olacaq.
Turnir cədvəli
- Xəzri (11 oyun, 9 qələbə, 2 məğlubiyyət) – 20 xal
- Sabah (10 oyun, 9 qələbə, 1 məğlubiyyət) – 19 xal
- NTD-İndiqo (10 oyun, 9 qələbə, 1 məğlubiyyət) – 19 xal
- Neftçi (11 oyun, 7 qələbə, 4 məğlubiyyət) – 18 xal
- Xırdalan (11 oyun, 6 qələbə, 5 məğlubiyyət) – 17 xal
- Cəlilabad (11 oyun, 4 qələbə, 7 məğlubiyyət) – 15 xal
- Sərhədçi (11 oyun, 4 qələbə, 7 məğlubiyyət) – 15 xal
- Sumqayıt (11 oyun, 3 qələbə, 8 məğlubiyyət ) – 14 xal
- Gəncə (11 oyun, 3 qələbə, 8 məğlubiyyət) – 14 xal
- Şəki (11 oyun, 11 məğlubiyyət) – 11 xal
