Bu gün futbol üzrə UEFA Çempionlar Liqasında 2023/2024 mövsümünün qrup mərhələsin ilk turunun oyunlarına yekun vurulacaq.
Arena.az xəbər verir ki, ikinci oyun günündə dörd qrup üzrə daha 8 qarşılaşma baş tutacaq.
A qrupunda yer alan Türkiyə çempionu “Qalatasaray” “Kopenhagen”lə qarşılaşacaq. Qrupun digər matçı Almaniya və İngiltərə nəhəngləri – “Bayern”lə “Mançester Yunayted” arasında baş tutacaq.
B qrupunda London “Arsenal”ı PSV-ni, “Sevilya” isə “Lans”ı qəbul edəcək.
C qrupunda Madrid “Real”ı evdə “Union Berlin”lə üz-üzə gələcək. “Braqa” da İtaliya çempionu “Napoli”ni qəbul edəcək.
D qrupunda “Benfika” – “Zalsburq” və “Real Sosyedad” – “İnter” matçları baş tutacaq.
Qeyd edək ki, UEFA Çempionlar Liqasında qrup mərhələsinin 2-ci turunun oyunları 3-4 oktyabrda keçiriləcək.
UEFA Çempionlar Liqası
Qrup mərhələsi
19 sentyabr
A qrupu
20:45. “Qalatasaray” (Türkiyə) – “Kopenhagen” (Danimarka)
23:00. “Bayern” (Almaniya) – “Mançester Yunayted” (İngiltərə)
B qrupu
23:00. “Arsenal” (İngiltərə) – PSV (Niderland)
23:00. “Sevilya” (İspaniya) – “Lans” (Fransa)
C qrupu
20:45. “Real” (İspaniya) – “Union Berlin” (Almaniya)
23:00. “Braqa” (Portuqaliya) – “Napoli” (İtaliya)
D qrupu
23:00. “Benfika” (Portuqaliya) – “Zalsburq” (Avstriya)
23:00. “Real Sosyedad” (İspaniya) – “İnter” (İtaliya)
