Ekvadorlu hücumameyilli yarımmüdafiəçi Cordan Rezabala bundan sonra Azərbaycanın “Sumqayıt” klubunun uğurları üçün çalışacaq.
Arena.az xəbər verir ki, bu barədə klubun mətbuat xidməti məlumat yayıb.
Tam adı Cordan Lenin Rezabala Anzules olan və azad agent statusu daşıyan futbolçu ilə 2024-cü ilin sonunadək anlaşma əldə olunub.
Ekvadorun “İndependyente” komandasının yetirməsi olan Cordan Rezabala son olaraq həmin ölkənin “Quayakil Siti” klubunda çıxış edib. 23 yaşlı yarımmüdafiəçi ölkəsində “Olmedo”, “Manta”, “Aukas”, Meksikada “Tixuana” və “Dorados de Sinaloa” kimi klubların da şərəfini qoruyub. Rezabala 17, 20 və 23 yaşadək futbolçulardan ibarət Ekvador millisinin uğurları üçün çalışıb.
