Dortmund “Borussiya”sının futbolçuları ingilis yarımmüdafiəçi Cud Bellingemin “Real”a keçidindən razı qalıblar.
Arena.az bu barədə “Bild” nəşrinə istinadən məlumat verir.
Mənbənin məlumatına görə, ingilis futbolçunun komanda yoldaşları onu eqoist və narsist hesab ediblər. Vurğulanır ki, futbolçular üçün onun oyunlardan sonra bütün komandanın stadionun ətrafında dövrə vurmasını gözləməsi, sonradan hamıdan ayrılıqda azarkeşləri alqışlaması və azarkeşlərdən cavab alqışları alması göstərici olub.
Komanda yoldaşları Bellingemi həmişə bəyənməyiblər. Bildirilir ki, ötən ilin fevralında Çempionlar Liqasının oyunu zamanı meydanda pis ötürmə müqabilində Bellingem Niko Şultsa qışqırırdı: “Sən lənətə gəlmiş ötürməni verə bilmirsən! Sən səfehsən! Hər lənətə gəlmiş dəfə!”
“Borussiya”nın futbolçuları hiss edirdilər ki, ikinci kapitan roluna baxmayaraq, Bellingem üçün komanda birinci yerdə olmayıb.
