Yaponiya millisinin və Şotlandiyanın “Seltik” klubunun hücumçusu Daizen Maeda karyerasını İngiltərədə Premyer Liqasında davam etdirəcək.
Arena.az xəbər verir ki, 28 yaşlı futbolçu “İpsviç Taun”a transfer edilib.
Onunla müddəti 2029-cu ilin yayına qədər nəzərdə tutulmuş müqavilə imzalandığı açıqlanıb. İngiltərə klubu bu transfer üçün 11,7 milyon avro
Daizen Maeda 2022-ci ildən “Seltik”in formasını geyinirdi. O, 2024/2025 mövsümündə bütün turnirlər daxil olmaqla 54 oyunda meydana çıxaraq 17 qol vurub, 10 məhsuldar ötürmə ilə yadda qalıb. Yapon futbolçunun bu klubdakı ümumi göstəriciləri də diqqət çəkir: 212 oyun, 79 qol və 38 assist.
Maeda karyerası ərzində “Yokohama Marinos”, “Matsumoto Yamaqa”, “Mito Holli Hok” və “Maritomo” kimi klublarda da forma geyinib.
2019-cu ildən Yaponiya yığmasında çıxış edən futbolçu millinin heyətində 30 oyuna çıxıb, 5 qol vurub.
“Transfermarkt” internet-portalı 28 yaşlı vingerin transfer dəyərini 13 milyon avro məbləğində qiymətləndirir.
