Bu il Qətərdə keçiriləcək dünya çempionatına (DÇ-2022) sonuncu vəsiqənin sahibi bəlli olub. Arena.az xəbər verir ki, sayca 32-ci iştirakçı komanda adını Kosta Rika yığması qazanıb.
Bu ölkə qitələrarası pley-off mərhələsinin final oyununda Yeni Zelandiyanı 1:0 hesabı ilə üstələyib. Kosta Rika yığmasının yeganə qolunu 3-cü dəqiqədə Joel Kempbell vurub.
Kosta Rika millisi DÇ-2022-də İspaniya, Almaniya və Yaponiya ilə birlikdə E qrupuna düşüb.
Beləliklə, final mərhələsi noyabrın 21-dən dekabrın 18-dək Qətərdə təşkil olunacaq dünya çempionatının 32 iştirakçısının hamısı müəyyənləşib. Mundiala vəsiqə qazanmış bütün komandaların siyahısını təqdim edirik:
Avropa: İngiltərə, Belçika, Almaniya, Danimarka, İspaniya, Niderland, Polşa, Portuqaliya, Serbiya, Fransa, Xorvatiya, İsveçrə və Uels
Cənubi Amerika: Argentina, Braziliya, Ekvador, Uruqvay
Afrika: Qana, Mərakeş, Seneqal, Kamerun, Tunis
Asiya: İran, Qətər, Səudiyyə Ərəbistanı, Cənubi Koreya, Yaponiya, Avstraliya
Şimali Amerika: Kanada, ABŞ, Meksika, Kosta Rika
Sonda dünya çempionatının qruplarını da təqdim edirik. Xatırladaq ki, bu dünya çempionatının püşkatma mərasimi hələ bütün iştirakçılar müəyyənləşməmiş, bu ilin aprel ayında Qətərdə təşkil olunmuşdu:
A qrupu
Qətər
Ekvador
Seneqal
Niderland
B qrupu
İngiltərə
İran
ABŞ
Uels
C qrupu
Argentina
Səudiyyə Ərəbistanı
Meksika
Polşa
D qrupu
Fransa
Avstraliya
Danimarka
Tunis
E qrupu
İspaniya
Kosta-Rika
Almaniya
Yaponiya
F qrupu
Belçika
Kanada
Mərakeş
Xorvatiya
G qrupu
Braziliya
Serbiya
İsveçrə
Kamerun
H qrupu
Portuqaliya
Qana
Uruqvay
Cənubi Koreya
