“Vest Hem”in baş məşqçisi Devid Moyes “çəkicdöyənlər”in Premyer Liqanın 19-cu turunda “Arsenal”la oyununda səfər qələbəsini (2:0) şərh edib.
Arena.az “Amozon Prime” dərgisinə istinadən, şotland mütəxəssisin bu barədə fikirllərini təqdim edir:
“Futbol müxtəlif yollarla oynanılır və biz bu axşam bəlkə də o qədər də danışılmayan bir rol oynadıq. Parlaq müdafiə. Bu gün “Arsenal”a qarşı yaxşı iş gördük. Onların topa sahib çox olduqlarını düşünürəm, amma biz əla iş gördük.
“Vest Hem”də inanılmaz bir il keçirdik. Dünya çempionatından sonra biz yaxşılaşdıq və ən yaxşı oyunçularımızdan birini “Arsenal”a satdıq. Amma biz davam etdik və kuboku da qazandıq.
Yay transferlərinin təsiridirmi? Bütün idarəçilər yəqin ki, işə götürməklə yaşayır və ya ölürlər. İşi düzgün təşkil etməsəniz, çətinliklərlə üzləşəcəksiniz.
Düşünürəm ki, yeni oyunçular çox yaxşı idilər. İli belə başa vurmağı bacarmağımızda futbolçuların əməyi böyükdür. Həqiqətən əla işdir.
Klubdakı gələcəyim? Danışmağa hazırlaşırıq. Düşünürəm ki, heç birimiz tələsmirik. Bunda heç bir fəsad görmürəm”, deyə Devid Moyes nikbin ruhda danışıb.
19 turdan sonra “Arsenal” liderliyini itirərək, birinci dövrəni 40 xalla 2-ci pillədə başa vurub. “Vest Hem” isə 33 xalla 6-cı pillədədir. Premyer Liqaya 42 xalla “Liverpul” başçılıq edir.
